ВИДЕО| Ивановски со сервис под нога до победа во Лондон

Македонскиот тенисер Калин Ивановски, со убедливо издание, се пласира во третото коло на јуниорскиот Вимблдон, откако во втората рунда го исфрли Родриго Пачеко Мендез со 2-0 (6-1, 6-2).

Убедливата партија во Лондон, Ивановски ја круниса со мангупски потег на крајот од дуелот. Ја искористи првата меч-топка, го фати Пачеко неподготвен и го потврди триумфот во второто коло.

Ивановски уште еднаш го покажа својот талент и пак како лани ја достигна третата рунда на престижниот турнир за младинци. Следен противник на Македонецот ќе му биде Едас Бутвилас.

 

Доколку преземете содржина од оваа страница, во целост сте се согласиле со нејзините Услови за користење.