Играчот на гостите постигна прекрасен гол, а Келн прокоцка предност од 2:0 и им дозволи на гостите да освојат многу вреден бод во битката за опстанок.
Мајнц успеа да приреди подвиг и да анулира два гола негатива против Келн, за реми 2:2 во првиот денешен меч во 26. коло во Бундеслигата.
Помош за гостите стаса од африканската врска Авоњи-Кунде, а особено убав беше последниот гол на мечот. Кунде Малонг во стилот на Марадона и Меси претрча сам 40-на метри ги издрибла противниците на патот до голот и погоди за 2:2.
Sûrement le but de cette journée de Bundesliga il est signer Pierre Kunde, Magnifique but solo. pic.twitter.com/CkCzR7UXP5
— Amine_Zdf.mp4 (@Amine_Zdf_mp4) May 17, 2020
Ова беше прв меч за двете екипи по долгата пауза од два месеци поради пандемијата со Коронавирус, а ремито е праведен исход на мечот.
Келн остана на 10. место, сега со 33 бода, а Мајнц освои значаен бод во битката за опстанок. Сега се израмнети со Аугзбург со по 27 бодови, на двете позиции што се веднаш над опасната зона за испаѓање од Бундеслигата.
Доколку преземете содржина од оваа страница, во целост сте се согласиле со нејзините Услови за користење.