ВИДЕО: Моментот кога авионот со 275 патници се запали на пистата во Дубаи

На социјалните мрежи се појави видео снимка на кои се гледа како авионот што полетал со 275 патници од меѓународниот аеродром Тривандрум во Индија удрил на пистата на аеродромот во Дубаи.

Авионот на Емирати претходно додека се доближувал кон пистата зад себе оставал остатоци, а видлив бил и чад. Според она што може да се види на снимката, еден од моторите се влечеше на пистата.

Властите во Дубаи потврдија дека Боинг 777-300 удрил на пистата на аердромот нешто по 13 часот по локално време (околу 8 часот по македонско време) со 275 патници.

Авионот полетал три часа пред тоа од аеродромот во Индија, а светските медиуми јавуваат дека пилотот испратил сигнал за помош кратко пред слетувањето на авионот.

Засега нема информации за повредени патници.

Доколку преземете содржина од оваа страница, во целост сте се согласиле со нејзините Услови за користење.