Кристијано Роналдо постигна погодок во поразот од Јанг Бојс на отворањето на новата сезона во Лигата на шампионите.
Пред мечот, најголемата ѕвезда на Манчестер Јунајтед упати еден силен удар на загревањето, кој несакајќи заврши во главата на една редарка. Инцдентот стана популарен на социјалните мрежи, а се појави и видео од моментот кога топката удри во девојката, која во тој момент беше зад голот на премиерлигашот.
Португалецот забележа дека нешто не е во ред, па ѝ пријде на девојката, која падна и доби помош од колегите. За да ја утеши, гостинскиот фудбалер ѝ го подари својот дрес од мечот, по излегувањето во второто полувреме.
