(ВИДЕО) МВР објави снимки од вандалските протести

91

Полицијата ќе ги идентификува демонстрантите преку свои и снимки од медиумите. Шестмина приведени демонстранти и дваесетина полицајци повредени е досегашниот епилог кој вчера официјално го соопшти Министерството за внатрешни работи по протестите кои вчера попладнето беа одржани во Скопје како реакција на пресудата за случајот „Монструм“.

– Поголем број хулигани, кои беа дел од екстремно агресивната и насилна толпа, со камења и тврди предмети попладнево ги нападнаа полициските службеници кои ги обезбедуваа ненајавените протести. Истите палеа предмети по булеварите во централното градско подрачје и ја оштетија фасадата на Основниот суд Скопје 1 – стои во соопштението на МВР.

По завршување на првичната цел на полициската интервенција, односно воспоставувањето на јавниот ред и мир, Министерството за внатрешни работи врз основа на сопствените снимки, но и снимките од медиумите ќе продолжи да работи на идентификација и на останатите хулигани кои учествуваа во насилните инциденти и ќе ги преземе сите мерки против нив.

На сајтот на МВР веќе се објавени неколку видео снимки од протестите.

Доколку преземете содржина од оваа страница, во целост сте се согласиле со нејзините Услови за користење.