(ВИДЕО) На минус 20 степени Русите го одбележија Богојавление со традиционално капење во ледената вода

46

Православните христијани денес го слават Крштевањето Господово, односно Богојавление. Ноќта на 18 јануари Русите традиционално се потопија во ледена вода.

Оваа година, водата беше осветена за прв пат на Катедралниот плоштад на Главнниот храм на вооружените сили на Русија, кој беше отворен во јуни минатата година. Во предградијата на Москва, беше до 20 степени под нулата, но без оглед на тоа, имаше многу кои сакаа да се приклучат на традицијата.

Војници учествуваат во капење на Водици низ целата земја. Само во Централниот воен округ, околу 10.000 луѓе нурнаа во „Јордан“ (т.н. дупка во мразот во спомен на реката Јордан каде Јован Крстител го крсти Исус Христос), не само војници, туку и членови на нивните семејства. Специјалисти од Министерството за одбрана на Русија подготвија 50 базени во областа, опремувајќи ги со специјални платформи и скали.

Традиционално, жителите на Далечниот исток први го изведоа ритуалот на капење во ледена вода.

Водици се славеше и во Нагорно Карабах. Руските мировници и локалното население не само што можеа да нурнат во осветената вода, туку и да се исповедаат и да запалат свеќи.

Патем, Богојавление е христијански празник што го одбележува сеќавањето на Христовото крштевање на реката Јордан и појавата на Бога во форма на гулаб и глас: „Ова е мојот син и него слушајте го“.

Се слави на 19 јануари во црквите што го следат Јулијанскиот календар.Водици беше проследено со капење во вода. Ден претходно, мора да се освети водата за верниците да се исчистат од гревот.

Доколку преземете содржина од оваа страница, во целост сте се согласиле со нејзините Услови за користење.