17 C
Skopje
четврток, септември 24, 2020

(ВИДЕО) Путин прв се возеше со воз преку мостот на Крим

635

Претседателот на Русија, Владимир Путин, го промовираше железничкиот дел од мостот што ја поврзува Русија со полуостровот Крим.

Русија го анектира Крим пред пет години, како одговор на соборувањето на прорускиот претседател во Украина. Оваа стратешки важна област во Црното Море е географски поврзана со украинското копно. Путин во своето обраќање рече дека отворањето на железничката линија на двојниот мост е „многу важен настан“ што ќе влијае на целата домашна економија.
„Ова е важен настан за Крим, за југот на Русија и за целата наша земја“, рече Путин, кој се возеше преку мостот над преминот Керч во кабината на локомотивата.
Возовите што отсега ќе ги поврзат Москва и Санкт Петербург со Симферопол, главниот град на Крим, ќе можат да пренесат 14 милиони патници.

Првиот тргна вчера од Санкт Петербург, а возењето е планирано да трае околу 43,5 часа.
Путин минатата година ја отвори патната делница на Кримскиот мост со четири коловозни ленти. Изградбата на мостот започна во февруари 2016 година и му беше доверена на милијардерот Аркадиј Ротенберг, џудо партнерот на Путин.

Доколку преземете содржина од оваа страница, во целост сте се согласиле со нејзините Услови за користење.