Легендарниот американски музичар Стиви Вондер на синоќешниот концерт во Лондон најави дека ќе оди на итна операција за трансплантација на бубрег.
„Јас сум добро, добро сум, се е во ред, имам донор и во ред е“, рече 69 годишниот Вондер пред публиката на летниот фестивал што се одржува во Хајд парк. Откако ја испеа песната „Superstition“, легендарниот музичар и се обрати на публиката и рече дека не сака да се шират гласини за неговото здравје.
Стиви најави дека операцијата е закажана за септември, а пред тоа ќе одржи уште неколку концерти.
Поддршка на Стиви Вондер на синоќешниот концерт му беше пејачот и негов пријател Лајонел Ричи.
https://www.youtube.com/watch?v=vPiJD5ld0gY
