11 C
Skopje
среда, април 14, 2021

(ВИДЕО) Тетовец дивеел со возилото за време на полициски час, го повикале во полиција

79

Тетовски полицајци вчера во текот на полициски час фатија 28-годишник како на кружен тек изведува непрописни движења со возило, употребувајќи рачна сопирачка и создавајќи врева, за што бил пријавен од граѓаните на околните згради. По евидентирањето на случајот тој денеска е повикан во полициска станица за да се утврди дали имал дозвола за движење во време на полицискиот час и околу почитувањето на сообраќајните правила и прописи.

-Секторот за внатрешни работи Тетово целосно го расчисти случајот со возачот на возилото „БМВ“ со тетовски регистарски ознаки, кој вчеравечер околу 21 часот и 35 минути на кружниот тек на улиците „Илинденска“ и „Видоја Смилевски-Бато“ во Тетово, направил сообраќаен прекршок, кој непосредно бил снимен од граѓанин и кој потоа граѓанинот видеото го испратил до тетовските медиуми. Станува збор за 28-годишниот Л.А. од Тетово, кој денеска е повикан во Полициската станица Тетово и ќе му бидат изготвени соодветни поднесоци, информира портпаролот на СВР Тетово, Марјан Јосифоски.

Доколку преземете содржина од оваа страница, во целост сте се согласиле со нејзините Услови за користење.