(ВИДЕО) Ураганот Јанос направи пустош во Грција, сега се насочува кон Крит

82

Откако ја опустоши западна и централна Грција, метеоролозите предупредуваат дека медитеранскиот ураган Јанос сега ќе се насочи кон островот Крит.

Две лица загинаа, а најмалку едно исчезна во бурата што ги опустоши островите во Јонското Море, како и регионот Кефалонија.

„Ги повикувам граѓаните да останат будни додека не помине овој феномен“, рече грчкиот премиер Кирјакос Мицотакис. „Главната цел сега е да спасиме животи. Сите погодени области ќе ја имаат нашата целосна поддршка“, додал тој.

Според Ројтерс, безживотното тело на една постара жена е пронајдено во поплавена куќа во село во близина на градот Фарсала, а подоцна телото на 63-годишен маж е пронајдено недалеку од болницата во градот Кардица, но не е јасно дали тој е едно од двете лица, чие исчезнување беше претходно пријавено.

Грчката противпожарна служба соопшти дека примила скоро 2.500 повици за евакуација на затрупани жители и за отстранување на дрвјата што ги блокирале патиштата.

Некои делови од земјата останаа без електрична енергија.

Доколку преземете содржина од оваа страница, во целост сте се согласиле со нејзините Услови за користење.