(ВИДЕО) Ѕвезда славеше против ЦСКА во Белград, Валенсија му го нанесе првиот пораз на Жалгирис

24

Кошаркарите на Црвена ѕвезда излегоа како победници од највозбудливот меч кој оваа вечер се одигра во Евролигата.

„Црвено-белите“ го пречекаа рускиот гигант ЦСКА Москва и по една голема борба која донесе и продолжение славеше со 86-84. Џордан Лојд беше човек на одлука, тој ги постигна поените за дополнителни минути, а потоа и оние решавачки за славје на Ѕвезда.

Токму Лојд со 31 поен и 6 скокови беше најдобар поединец, поточно ја доби битката со Хекет кој на спротивната страна реализираше 29 кошеви, 5 скокови и 3 асистенции.

Валенсија го пронајде решението за Жалгирис и му го нанесе првиот пораз на клубот од Литванија во елитното натпреварување (94-82). Како клучна се покажа третата четвртина која шпанскиот прволигаш ја реши со 30-12 со што го презема водството и не го испушти до самиот крај.

Маринковиќ и Дубљевиќ со по 16 поени беа први стрелци, кај Жалгирис по 12 поени уфрлија Рабит и Григонис.

На последната средба Панатинаикос го доби Фенербахче со 82-68.

Доколку преземете содржина од оваа страница, во целост сте се согласиле со нејзините Услови за користење.