(ВИДЕО) Во Доњецк запленети 100 илјади ливчиња со однапред заокружено „да“

Украинската војска сопре и заплени возило во кое тројца вооружени мажи превезувале оружје и околу 100 илјади гласачки ливчиња за денешниот референдум во Доњецк, на кои веќе било заокружено „да“ за отцепување на овој источен град и основање на независна држава, јавува „Киев пост“

Мажите, кои украинските медиуми ги нарекуваат „вооружени терористи“, се отркиени во предградието на Доњецк, а листовите се најдени во багажникот на нивното возило.

Многу градови на истокот на Украина веќе еден месец се под опасада, а меѓу нив е и Доњецк, каде што проруските сепаратисти, за кои се верува дека се поддржани од Москва, ја заземале главната зграда на владата и неколку школи.

Веста за фалсификуваните гласачки ливчиња потстетува на сличниот инцидент на Крим, регион кој на референдум на 16 март се отцепи од Украина и сега е во состав на Русија.

Од Белата куќа за Ројтерс изјавуваат дека постојат конкретни докази дека некои од листовите рапоредени во градовите во Крим однапред биле обележани.

Доколку преземете содржина од оваа страница, во целост сте се согласиле со нејзините Услови за користење.