Вилма до Катица: Вие колешке да мислевте, немаше да бидете на обвинителна клупа!

195

Тензично на денешното рочиште за „Рекет“. Одбраната бара целосно да се презентираат доказите и да не се исклучи јавноста. Но, Судот поради приватност на разговорите, и заштита на приватноста на другите лица, рече дека ќе ја исклучи јавноста кога ќе смета дека за тоа има потреба.

Реагираше Катица Јанева која рече дека Обвинителството требало да мисли и на тоа кога ги презентирало доказите, а Рускоска и врати дека, таа да мислела, немаше сега да биде на обвинителна клупа.

По ова се вклучи и Бојан Јовановски кој вербално ја нападна обивнителката Рускоска дека монтирала случаи. Судијата даде последна опомена пред да ги отстрани обвинетите. Судењето продолжува и се изведуваат и преслушуваат разговори во судница.

Веројатно јавноста подоцна ќе биде отстранета кога ќе почнат да се слушаат приватните разговори.

-Бараме денеска јавноста да не биде исклучена при прикажување на дел од доказите од целото стикче кое го има ОЈО, побара денеска од судот второобвинетата во „Рекет“ Катица Јанева. – За да се види кој нудел поткуп, кој давал рекет – рече Јанева.

Боки 13 рече дека требало да има време за да изврши увид во списите и доказите против него, но во затворот немал можност да види.

– Незаконски сум снимен од Зоки Кичеец. За тоа што го кажа Јанева се согласувам – рече Бојан Јовановски.

Јавната обвинителка Вилма Рускоска рече дека одбраната оди на одолголекување на постапката.

Доколку преземете содржина од оваа страница, во целост сте се согласиле со нејзините Услови за користење.