Британскиот премир Борис Џонсон го именуваше за специјален претставник на неговата влада за западен Балкан сер Стјуарт Пич, висок воен офицер и поранашен началник на Генералштабот на воорижените сили на Обединетото Кралство.
Како што соопшти во четвртокот британското министерстово за надворешни работи, ова именување е доказ за „континуираната британска посветеност на стабилноста и напредокот на регионот“, а во Лондон очекуваат дека новиот претставник во тоа ќе учсествува соработувајќи со политичките лидер од западен Блакан, како и со сојузниците во САД и Европа.
Сер Стјуарт Пич е маршал на британското воено воздухопловство, а претходно годинава му заврши мандатот на претседател на Воениот комитет на НАТО.
Велика Британија досега немаше специјален претставник за западен Балкан, каде што мирот и стабилноста во моментов се под заканата од најтешката политичка криза во Босна и Херцеговина од потпишувањето на Дејтонскиот договор, како и од нерешените односи меѓу Белград и Приштина.
Покрај ангажманот на јакнењето на мирот и стабилноста на западен Балкан, како што е наведено во соопштението на британската дипломатија, Пич има задача да го ромовира јакнењето на демократските институции и отвореното општество, да помага во соочувањето со организираниот криминал и другите заеднички безбедносни предизвици, како и да ги поттикнува решавањето на проблемите како што се воените злосторства и исчезнатите.
Во случајот на БиХ, како што се истакнува, новиот специјален претставник има и задача да ја поддржи работата на високиот претставник на меѓународната заедница во оваа земја Крстијан Шмид, чиј мандат не е потврден од Русија и Кина како членки на Советот за безбедност при ОН со право на вето. Во соопштението директно се истакнува дека спомнатиот германски дипломат ја има целосната поддршка на Обединетито Кралство, што е очигледна алузија на оспорувањето на неговиот мандат и авторитет од страна на челникот на лидерот на босанските Срби, Милорад Додик кој ја има поддршка од Москва и Пекинг. Притоа Лондон потсетуваат на предупредувањето на Шмид дека опстанокот на БиХ сега е пред најголемата закана и дека постои опасност од продлабочување на судирот во земјата.
„Обединетото Кралство длабоко е предадено на европската безбедност. Западен Балкан е соочен со најголемата закана по стабилноста и безбедноста во изминатите две децении. Нашата одговорност е да сториме сѐ што можемме за да се сочува она што е постигнато со мир и дијалог. Не можеме да дозволиме никакво враќање на насилството и поделбите од минатото“, изјави британскиот премиер Џонсон по повод именувањето на својот претставник за западен Балкан.
Во однос на српско-албанските односи, Пич ќе има задачи да го поддржи дијалогот меѓу Белград и Приштина кој се води спо посредство на Европската унија од којашто пак истапи Велика Британија.
Доколку преземете содржина од оваа страница, во целост сте се согласиле со нејзините Услови за користење.
