Бајатиот леб може да биде совршен материјал за готвење. Ова е рецепт за торта на кој нема да можете да одолеете.
Потребно е : 1 кг. јаболка, бајат леб, путер, мармалад од кајсии, 40 гр. сечкани ореви, 50 гр. суво грозје, 1 кафена лажичка цимет, 2 јајца, 500 мл. млеко, 100 гр. шеќер во прав, 1 ванилин шеќер.
Подготовка:
Излупете ги јаболката и исечете ги на коцки. Прелијте ги со вода, зовријте ги, па исцедете ги. Лебот исечкајте го на тенки парчиња, намачкајте ги со путер, а потоа со мармалад од кајсии. Одозгора ставете ги сварените јаболка, посипете ги со ореви, суво грозје и цимет.
Потоа ставете го вториот ред леб кој исто така ќе го премачкате со путер и мармалад.
Изматете ги јајцата, млекото и шеќерот и прелијте го лебот.
Оставете да отстои десетина минути, па печете во загреана рерна на 200 степени околу 20 минути.
Доколку преземете содржина од оваа страница, во целост сте се согласиле со нејзините Услови за користење.
