Владата бара ВМРО-ДПМНЕ да се врати во Собрание за Законот за јазиците

555

Пратениците на опозициската ВМРО-ДПМНЕ да учествуваат на собраниската седница за Законот за јазиците, да бидат во институцијата каде може и треба да учествува во амандманска расправа. Собранието е местото каде треба да ги достават сите нивни предлози, повикаа во средата од Владата.

Како што информираше владиниот портпарол, Миле Бошњаковски, ставот на Владата е дека Законот е во согласност со Уставот, изгласан е во демократска атмосфера и е поддржан од мнозинството пратеници. Сепак, по усвојувањето тој ќе биде испратен на Венецијанската комисија.

„ Законот по усвојување во Собранието ќе оди на мислење на Венецијанска комисија, а кога ќе се врати во Република Македонија постои политички консензус и волја дека сите забелешки и сите мислења на комисијата ќе бидат имплементирани во него“, рече Бошњаковски.

Повтори дека не се предвидени дополнитени вработувања за овој закон туку оти ќе се користат постојните вработени во администрацијата.

Доколку преземете содржина од оваа страница, во целост сте се согласиле со нејзините Услови за користење.