ВМРО-ДПМНЕ: Цената на нафтата во светот паѓа, а СДСМ покачува акциза, ќе го полнат Буџетот од џебот на граѓаните

25

Додека на светско ниво нафтата вртоглаво паѓа владата која ја предводи СДСМ ја покачува и упорно ги лаже и убедува граѓаните дека тоа нема да предизвика ценовен шок и инфлација, реагираат од ВМРО-ДПМНЕ.

-Со овој чекор на владата, ќе настрадаат сите граѓани, бидејќи зголемената цена на нафтата и акцизата значи отворање на спиралата на инфлацијата: повисоки цени на превозот, повисоки цени на прехранбените и сите други производи. Откако е СДСМ дојден на власт цената на дизелот е зголемена за фрапантни 40%. Предвидувањата на светските аналитичари е дека цената на нафтата уште подолго време ќе остане ниска, само СДСМ ја покачува цената за да поединци се збогатуваат и профитираат и сето тоа врз грбот на веќе осиромашениот македонски  народ. Без економски план за санирање на здравствената и економската криза, владата на СДСМ реши да собира пари од народот, преку зголемување на горивата и акцизата, посочуваат од партијата.

-Зголемувањето на акцизата на горивата не само што ги засега буџетите на  граѓаните на Република Македонија, туку тоа ги засега и стопанството и фирмите и компаниите, превозниците, таксистите и земјоделците. Наместо подобар и побогат живот за граѓаните, СДСМ ги опљачка граѓаните и им донесе сиромаштија и глад, велат од ВМРО-ДПМНЕ.

 

Доколку преземете содржина од оваа страница, во целост сте се согласиле со нејзините Услови за користење.