Единственот којшто се сретнал со Сашо Мијалков е премиерот Зоран Заев, додека договарале да прават вештачка криза во ВМРО-ДПМНЕ. СДСМ молчи и за тоа дали Мијалков во Јавното обвинителство дошол со владин службен црн пасат, велат од опозициската партија.
„Дали Мијалков и дента пред да се предаде бил со Заев, каде е договорено да биде пуштен на слобода за 60 дена, а Апелација да му ја намали казната? СДСМ молчи за целиот театар на Мијалков кој е во режија на Заев. Режијата е толку бедна, што имаат куп пропусти. Мијалков стигнал во ЈО во 16 часот, а пред камери глумеше во 16.40 часот. Каде бил 40 минути и зошто наместо да оди во притвор, тој се шета наоколу и глуми изненаден?“, реагираат од ВМРО-ДПМНЕ.
„До кога СДСМ ќе ја замајува јавноста. Сите ја видоа на дело коалицијата Заев – Мијалков. Сашо Мијалков е товар околу вратот на Заев, кој сам си го избра, и сега мора да одговара за него. Одговорност за сиот криминал ќе има“, се додава во реакцијата.
