ВМРО-ДПМНЕ: Филипче се одлучи за одбрана на криминалите на Заев пред здравјето на граѓаните

17

Доктор и министер за здравство да не го интересира здравјето на граѓаните е крајно неетички. Додека колегите колабираат од замор во борба со корона вирусот, да се трча на митинзи за да му се статира на Заев е срамно, велат од ВМРО-ДПМНЕ.

Наместо да се инвестира секој денар во справување со корона кризата, да се злоупотребуваат службени автомобили за одење по митинзи е криминал.

Јавното обвинителство мора да престане да се прави слепо и да ги истражи злоупотребите на Филипче констатирани од ДКСК.

Дури народот заболува и умира, Шекеринска, Филипче и Заев секој ден заглавуваат во афери за криминал, корупција и рекет

Народот виде со каква неспособна власт на Заев, Шеќеринска, Филипче и СДСМ си има работа.

Цел месец Македонија се бори со трицифрени бројки новозаразени што е резултат на нивната лажна нормалност. Последното деноноќие имаше 120 заболени и 5 починати, со што вкупните бројки се 7244 заболени и за жал 351 починат, со што сме црни рекордери во регионот по двата параметри на еден милион жители.

Единствено успешни се покажаа во креирање и заштита на криминални и рекетарски шеми.

Јавноста уште чека одговорност за седенките на Шекеринска со двајцата осудени во случајот Рекет.

Јавноста уште чека одговорност за бизнисот кој му го договарал Заев на про рускиот бизнисмен Дака за кој биле дадени 300 илјади евра.

Јавноста уште чека одговорност за сведоштвото дека рекетираните пари во Македонија завршиле кај браќата Зоран и Вице Заеви.

Јавноста чека одговорност и за пазарењето со правдата во износи од 4,6,8, милиони евра.

Јавноста чека одговорност за снопчињата пари кои Ден Дончев ги ставаше во својата чанта.

Јавноста уште чека одговорност за сведоштвото дека рекетарско мафијашки групи палеле возила со зелено светло добиено од Вице Заев.

Ете заради ова системот во Македонија е урнисан и државата тоне секој ден со власта на Заев.

СДСМ и Зоран Заев покажаа дека можат само повеќе криминал, повеќе рекет, повеќе корупција, повеќе порази и повеќе понижувања! Да ставиме крај на виткањето на кичмата! Исправи се Македонијо, одбери Обнова!

Доколку преземете содржина од оваа страница, во целост сте се согласиле со нејзините Услови за користење.