ВМРО-ДПМНЕ: Филипче станува гробар на својот народ, оставка веднаш

Гробарот Венко Филипче денеска закопа 30 граѓани.Триесет семејства завиени во црно. Само Филипче може да постигне вакви црни рекорди! Знае ли Филипче дека по Втората светска војна до денес Македонија не памети толку големи човечки загуби. Македонија се соочува со најголема смртност предизвикана од корона затоа што Филипче здравствениот систем го стави на колена – реагираше ВМРО-ДПМНЕ откако беа објавени последните статистички податоци за заразени од Ковид-19, според кои за 24 часа се починати дури 30 лица.

Тие додаваат:

-Филипче како да не знае дека е на функцијата министер за здравство. Филипче како да не знае дека зема плата од пари од народот за да грижи за здравјето на токму тој народ. Филипче треба да си даде оставка затоа што здравствениот систем е парализиран. Затоа што болниците не се подготвени за корона кризата. Затоа што Филипче ги остави пациентите без потребните лекови. Затоа што болниците немаат возила за итна медицинска помош. Затоа што докторите и медицинскиот персонал не се задоволни. Затоа што додека короната убива, власта тера бизнис и тендери. Филипче е најнеспособниот министер за здравство од создавањето на нашата држава. Затоа, Филипче оставка – веднаш!

Доколку преземете содржина од оваа страница, во целост сте се согласиле со нејзините Услови за користење.