ВМРО-ДПМНЕ го достави барањето за распуштање на собранието и за оставка на премиерот Заев

Пратеничката група на опозициската ВМРО-ДПМНЕ, како што најави во неделата нејзиниот челник Христијан Мицкоски, во понеделникот го достави барањето за распуштање на Собранието и за оставка на премиерот Зоран Заев, со цел да се распишат евентуалните предвремени парламентарни избори, а за тоа потребна е согласноста на владејачките партии СДСМ и ДУИ.

Опозицијата бара премеирот Заев да си поднесе оставка од функцијата премиер и во најкус можен рок да се состави техничка Влада со цел да се испочитуваат роковите. Како аргументи ги посочуваат штетите кои СДСМ ги направиле во однос на националните и државни интереси, како и политичките поделби во општеството.

Од СДСМ порачаа нема да ја подржи иницијативата на ВМРО-ДПМНЕ. Не откриваат каков е нивниот став во однос на преддвремените парламентарни избори. Конечната одлука ќе ја донесе до крајот на неделава највиското партиско тело. Пратеникот од редовите на СДСМ, а воедно и портпарол на партијата Костадин Костадинов, на денешната прес-конференција истакна дека иницијативата на Христијан Мицкоски за распуштање на Собранието е всушност иницијатива за распуштање на пратеничката група на неговата партија ВМРО-ДПМНЕ.

Според  собранискиот деловник, Претседтаелот на Собранието во рок од три дена откако ќе ја прими одлуката е должен да ја достави до пратениците. Потоа тече рок од 15 дена по кој има законска обврска иницијативата да ја стави на дневен ред на собрансика седница.

Доколку преземете содржина од оваа страница, во целост сте се согласиле со нејзините Услови за користење.