ВМРО-ДПМНЕ: Истекуваат два месеци откако Боки 13 е во притвор, а тој сѐ уште не е повикан на распит

38

Истекуваат два месеци откако Боки 13 е во притвор, а тој сѐ уште не е повикан на распит. Што знае Боки 13, па Русковска и Заев се плашат од тоа!? Единствено што ЈО прави е развлекување на истрагата за да биде заборавена во јавноста аферата „Рекет“, се вели во соопштението на ВМРО-ДПМНЕ.

„ЈО молчи и за случајот објавен во медиумите, во кој се вели дека високи функционери на УБК со чувствителни материјали рекетирале бизнисмени. Тоа значи директно и на втора институција, после СЈО во незаконски дејствија.

За сето време Катица Јанева продолжува да командува со институцијата преку која го вршела кривичното дело. Несвојствено е ЈО за осомничен кој извршил такво дело да не побара одалечување од службата.

Русковска молчи и за наредбите на Јанева од притвор, која командува со нејзиниот шеф Јовески, а се наоѓа зад решетки заради злоупотреба на службена положба и овластување. Апсурд до апсурд.

Ваков правен систем не постои никаде во светот. Ова не е право, туку циркуз. СДСМ не сака право. СДСМ сака криминалците да останат неказнети. СДСМ нема кредибилитет повеќе. СДСМ мора да си замине“, соопшти ВМРО-ДПМНЕ.

Доколку преземете содржина од оваа страница, во целост сте се согласиле со нејзините Услови за користење.