Филипче потфрли! Секој 3 тестиран во Македонија вчера имал ковид-19, се вели во соопштението на опозициската ВМРО-ДПМНЕ.
„Една третина од тестираните во текот на вчерашното деноноќие се позитивни на ковид-19. Тоа значи дека секој трет тестиран имал ковид-19. Филипче целосно потфрли. Хаосот кој го живееме е резултат на неспособноста и незаинтересираноста на Венко Филипче. Го преспа цело лето, а не направи ниту еден нов болнички капацитет, не го зголеми медицинскиот персонал, ниту пак набави вакцина против сезонски грип. Есенскиот бран на ковид-19 го фати целосно неспремен Филипче, иако самиот тврдеше дека на есен вирусот ќе биде појак, ништо не презема. Лошиот менаџмент со системот придонесе Македонија да е една од земјите на врвот во Европа по заразени на милион жители, но и починати. Ова е жално и трагично. Сè што направи Филипче е вперување на прстот за вина кон граѓаните. Граѓаните сега се виновни за неговата неспособност. Не се виновни граѓаните. Преземи одговорност и дај си оставка веднаш“, наведено е во соопштението.
