ВМРО-ДПМНЕ: Срамна епизода „Стево и Плочата“ – до вчера се фалеше, денес вели дека била спомен плоча од времен карактер

Шефот на државата Стево Пендаровски води политика од денес за утре. Сѐ е сведено само на гол пиар и зад неговите ставови и потези нема никакна стратегија, туку се води според народната купи ден помини. Пред само една седмица Пендаровски бомбастично ја промовираше својата посета на манастирот Свети Прохор Пчински каде е одржано првото заседание на АСНОМ, се вели во партиското соопштение на опозициската ВМРО-ДПМНЕ.

„Поминаа само фалбите на Пендаровски, помина пиарот и по принципот на потемкино село, работите ги снема.Она на кое што Пендаовски посвети најмногу фалење, а тоа е спомен плочата во манастирот, веќе е тргната. Но Пендаровски не би бил Пендаровски, ако не си ги порекне своите зборови. Тој секој пораз знае да го преставува како победа, ама сосема друго прашање е колку му веруваат граѓаните. Па така и во овој случај неговиот кабинет се брукаше па објаснува дека спомен плочата била од “времен карактер“ (!?) Веројатно во светот ова е единствен случај на времена стави-вади спомен плоча која како потемкино село се става и вади само за очите на јавноста. Ова срамна епизода ‘Стево и плочата’ е продолжение на безличната политика на Пендаровски, која во последните неколку месеци ја збогати со зачестени пишман изјави во стилот на неговиот соработник Заев“, истакнуваат од ВМРО-ДПМНЕ.

Се додава и дека Пендаровски „треба да знае дека и тој како и целата оваа екипа на СДСМ ќе завршат на историското и политичкото буниште заради сите лаги, понижувања и порази кои му ги приредија на народот“.

Доколку преземете содржина од оваа страница, во целост сте се согласиле со нејзините Услови за користење.