17.8 C
Skopje
четврток, март 28, 2024

ВМРО-ДПМНЕ утре со отчет за сработеното за 100 дена градоначалници „Промени што носат иднина“

Во насока на транспарентноста и отвореноста кон граѓаните ВМРО-ДПМНЕ во Недела ќе одржи целодневен настан во објектот на Македонската Филхармонија кој ќе финишира со отчет за првите сто дена од управувањето на општините од страна на градоначалниците на ВМРО-ДПМНЕ, се вели во соопштението на ВМРО-ДПМНЕ.

-Слоганот под кој ќе се одржи настанот е “ПРОМЕНИ ШТО НОСАТ ИДНИНА”-100 дена градоначалници на ВМРО-ДПМНЕ. На настанот ќе биде презентирано она што е сработено во изминатиот период од 100 дена. Ќе има свое обраќање во 17:00 часот во Недела Претседателот на ВМРО-ДПМНЕ проф. д-р Христијан Мицкоски. На овој говор ќе претходат три одделни панел дискусии на три различни теми. Во 11:30 часот во малата сала на Македонска Филхармонија ќе има дискусија на тема: ШТО НАСЛЕДИЈА ОПШТИНИТЕ. Учесници: Гордана Димитриевска Кочоска, Маја Кадиевска Војновиќ, Гоце Димовски, Миле Лефков. Модератор: Марија Митева. Во 13:00 часот во малата сала на Македонска Филхармонија ќе има дискусија на тема: ЕВРОПСКИТЕ ПРАКТИКИ ВО ЛОКАЛНИТЕ САМОУПРАВИ. Учесници: Гордана Сиљановска Давкова, Трајко Славески, Зоран Љутков, Сашо Клековски. Модератор: Наум Стоилковски. Во 14:30 часот во малата сала на Македонска Филхармонија ќе има дискусија на тема: МЛАДИТЕ И НИВНИТЕ ПЕРСПЕКТИВА ВО ОПШТИНИТЕ. Учесници: Иванка Василевска, Сергеј Попов, Невена Величковска, Стефан Андоновски. Модератор: Димче Арсовски, истакнуваат од ВМРО-ДПМНЕ.

Освен овој настан во наредниот три неделен период ќе бидат организирани и 6 регионални отчети на територијата на Република Македонија каде поединечно ќе бидат презентирани проектите кои се сработени, додаваат од таму.

Доколку преземете содржина од оваа страница, во целост сте се согласиле со нејзините Услови за користење.