ВМРО-ДПМНЕ: Власта да не се плаши од народот и да дозволи собирање потписи за укинување на Договорот за добрососедство

СДС да не се плаши од народот. Собранието да дозволи да се собираат 150 илјади потписи за Референдум, велат од ВМРО-ДПМНЕ.

„Власта да не се дрзнува преку Собранието и Талат Џафери да го оневозможи референдумското изјаснување.

Барањето со Иницијативата е поднесено согласно Законот за референдум до претседателот на Собранието, и нема правен основ тоа да не се одобри.

Доколку власта прибегне кон опструкции само ќе покажат дека се плашат од народот и се свесни дека тоа што го прават е во спротивност со волјата на народот.

Ја повикуваме власта да покаже минимум демократски капацитет, и не само да не го опструира референдумско изјаснување, туку да одиме и на предвремени парламентарни и претседателски избори“, стои во партиското соопштение.

Доколку преземете содржина од оваа страница, во целост сте се согласиле со нејзините Услови за користење.