12 C
Skopje
понеделник, јуни 1, 2020

ВМРО – ДПМНЕ: Во моментите на пандемијата земјоделците заборавени од владата

22

И натаму продолжува иницијативата на ВМРО-ДПМНЕ за комуникација со граѓаните „Вашите проблеми, заеднички решенија – Ја сакам Македонија“, во рамки на акцијата до партија секојдневно пристигнуваат десетици сугестии, предлози и проблеми, истакнува опозициската партија во соопштението.

Земјоделците се жалат за големи проблеми со неисплаќање на субвенциите, редуциран откуп на одредени производи, додека за дел од производите и воошто нема откуп. Земјоделците се заборавени од државата во овие тешки моменти, велат тие истакнувајќи дека е потребна итна помош за поддршка на земјоделството.

„Стравувајќи од губење на своето работно место, граѓаните апелираат за помош на лицата кои ќе бидат оставени без извор на егзистенција. Тие апелираат во случај на невработеност да се покрие 70 проценти од нето платата од страна на државата поради економската криза како резултат на пандемијата на коронавирусот.

Граѓаните бараат креирање на веб платформа која ќе помогне за прибирање на информации од сите деловни субјекти кои се подготвени да и помогнат на Владата со своите ресурси, материјални или знаења. Овие информации ќе бидат собрани и дистрибуирани до сите државни институции“, истакнуваат од ВМРО-ДПМНЕ.

Од оваа партија ги повикуваат граѓаните предлозите и сугестиите и понатаму да продолжат да ги проследуваат по пат на електронска пошта до zaednicki.resenija@vmro-dpmne.org.mk .

ВМРО-ДПМНЕ продолжува со овој начин на комуникација и нудење на заеднички решенија, затоа што ја сакаме Македонија.

Доколку преземете содржина од оваа страница, во целост сте се согласиле со нејзините Услови за користење.