ВМРО-ДПМНЕ: За притисоците во Гази Баба има пријава во полиција, тоа е начин на дејствување на СДСМ

ВМРО-ДПМНЕ испрати реагиреше во саботата на соопштението на СДСМ во коешто тие кажаа дека била наводно лажна вест заканата врз советничка на ВМРО-ДПМНЕ во скопската општина Гази Баба

„За каква лажна вест зборува СДС кога има пријава во полиција од луѓе со име презиме кои потврдиле дека биле предмет на притисоци и закани од локалните насилници на СДС во Гази Баба.

Силеџиството на СДС се случи само поради тоа што насилници се заканувале по семејството на советникот од ВМРО-ДПМНЕ во општина Гази Баба да гласа за СДС, со цел СДС да формира мнозинство.

Условот бил јасен или награда доколку советникот потклекне на притисокот и уцените или молотов коктел за неговиот дом, ако остане на својот став.

Притисокот е начин на работа на СДС и тој го применуваат систематски од изборната кампања до денес, на секаде низ државата, но граѓаните веќе се охрабрени и не им се плашат на бандитите на СДС и затоа јавно зборуваат.

Ако партиската испостава на СДС МВР на Спасовски не излезе со детално расветлување на овој скандал кој е само продолжение на криминалните избори тие стануваат соучесник и заштитник на силиџиите, тогаш со враќањето на ВМРО-ДПМНЕ овој и сите други криминали ќе бидат расчистени, а криминалците и силеџиите изнесени пред лицето на правдата.

Тој што со криминал дошол на власт со криминал ќе владее, граѓаните тоа го знаат и затоа отворено се спротиставуваат и ќе се спротиставуваат и во иднина, се додека не падне оваа криминална, недемократска и силеџиска власт“ се вели во соопштението на ВМРО-ДПМНЕ.

Доколку преземете содржина од оваа страница, во целост сте се согласиле со нејзините Услови за користење.