Во Албанија течат доверливи податоци на сите страни, Рама спасот го бара во САД

42

Албанската влада  објави дека ќе ангажира американска компанија за подобрување на сајбер безбедноста во земјата по големото протекување податоци.

Албанскиот премиер Еди Рама рече дека владата потпишала меморандум за разбирање „за зајакнување на безбедноста на дигиталните системи“ со Jones Group International.

Компанијата, со седиште во американската сојузна држава Вирџинија, ја води пензионираниот генерал Џејмс Џонс, поранешен советник на американскиот претседател за национална безбедност и поранешен врховен командант на сојузничките сили во Европа.

Владата во Тирана наведува дека американската компанија прво треба „целосно да ги скенира“ албанските системи за да провери како тие се изложени на напади од земјата и од странство.Потоа треба да смисли стратегија за инсталирање повеќеслојни системи за заштита за да се спречат сајбер напади во земја каде што повеќе од 90 проценти од услугите на јавната администрација се достапни онлајн.

Во декември, владината база на податоци за вработените во јавниот и приватниот сектор протекоа лични податоци на околу 690.000 луѓе, вклучително и матични броеви и податоци за вработување и плати. Податоците масовно се споделуваат преку апликации за пораки.

Уште едно протекување од државната база на податоци дојде пред парламентарните избори во Албанија во април минатата година.

Доколку преземете содржина од оваа страница, во целост сте се согласиле со нејзините Услови за користење.