Во Алжир се сруши авион, загинаа 103 лица

Во пад на воено транспортен авион, на североистокот на Алжир загинале 103 лица, пренесува приватната телевизија „Енхар“ повикувајќи се на свои извори.

Алжирската телевизија јави дека несреќата се случила во планинската област на истокот на земјата недалеку од градот Ум Ел Буаги.

Агенцијата Ројтерс јави дека загинале 103 лица, додека АФП наведува дека има 99 жртви.

Според првичните информации, можен предизвикувач на несреќата се лоши временски услови, пишува локалниот весник „Елкабар“ на својот веб сајт.

Авионот од тип „Ц-130 Херкулес“ летал за Константин, а се срушил за време на лошите временски услови на околу 500 километри источно од Алжир, престолнина на истоимената држава.

Агенцијата АП пренесува изјави од сведоците дека авионот со еден дел удрил во планината, а потоа се срушил.

 

Доколку преземете содржина од оваа страница, во целост сте се согласиле со нејзините Услови за користење.