Во април рекордни над илјада жртви од Covid-19

34

Мерките кои ги предлагаше министерот за здравство Венко Филипче а ги воведуваше Владата со прогласување полициски час и затворање на угостителски објекти воопшто не помогнаа во намалување на смртноста од Covid-19, зашто бројот на починати во април изнесува 1.022, која

Од почеток на пандемијата на коронавирусот досега најмногу починати лица има во април. Во најголемиот пик во вториот бран за којшто предупредуваше министерот за здравство Венко Филипче ланскиот ноември имаше 769 починати лица. Оттаму се поставвуаат прашањата: Зошто бројот на починати лица е најголем во април? Зошто мерките не го намалија бројот на починати лица?

Прашања на кои министерот за здравство Венко Филипче ниту еднаш не одговори, туку напротив велеше дека ситуацијата е под контрола и ги уверуваше граѓаните дека владините мерки за заштита од Covid-19 даваат резултати и стабилизација на ситуацијата.

„Овие сегашни мерки создадоа стабилизација, пикот се надевам нема да има измени, беше на први април, но сега се намалува“, истакна министерот за здравство Венко Филипче во изјава за медиуми на почеток на април.

Во текот на април секојневно се бележеа меѓу 30 и 40 починати лица. На 7-ми април, пак, беше за бележан и рекорден 51 смртен исход од инфекцијата со коронавирусот.

Тој ден реагираше и претседателот на ВМРО-ДПМНЕ преку социјалните мрежи.

„51 лице починато поради корона, а Заев вели не чувствувал одговорност. А, ако не е ваша, чива е? Гробиштата се полни, душите празни. Оваа бројка ќе беше помала да имаше навреме вакцини. Но, провизиите им беа поважни. Оставка за мафијашката власт, а потоа одговорност и нормализација. Секој според заслуженото, за народот спокој и можности, за криминалците одговорност. Нема бегање“, напиша на социјалните мрежи претседателот на ВМРО-ДПМНЕ, Христијан Мицкоски на 07.04.2021.

За бројот на починати лица министерот за здравство Венко Филипче дури ги уверуваше граѓаните дека и терапијата против КОВИД-19 на секого не помага и за тоа тој не е виновен. За зголемениот број на млади кои умираат иако немаат хронични болести, Филипче вели дека вакви случаи има и во Европа и дека кај дел од младите состојбата се влошува за неколку часа.

„За сите пациенти колегите прават сѐ, но има многу пациенти со тешка форма, со манифестација на белите дробови и крвта, каква колегите од пулмологија и инфективна медицина досега не виделе и кај нив нема одговор на терапијата“, вели министерот за здравство Венко Филипче во изјава за медиуми во месец април.

Во текот на април поради зголемената смртност опозициската партија ВМРО-ДПМНЕ имаше и протест пред Министерството за здравство, каде пратениците токму од оваа партија го обвинија министерот за здравство Венко Филипче за неодговорност и побараа да си поднесе оставка. Бидејќи бројот на починати од вирусот се станува се поалармантен.

Доколку преземете содржина од оваа страница, во целост сте се согласиле со нејзините Услови за користење.