На претстојните октомвриски локални избори шест кандидати конкурираат за иден градоначалник на Општина Битола, а за Советот на oпштината пријавени се 14 советнички листи на партии и коалиции.
До општинската изборна комисија пријавени се кандидатурите на Зоран Лазаревски-Паљо предложен од група избирачи, Христо Кондовски предложен од СДСМ и коалицијата, Тони Коњановски предложен од ВМРО-ДПМНЕ и коалицијата, Јорго Огненовски од партијата Демократи, Горан Тасковски од партијата Македонска ера трета и лидерот на ЛДП Горан Милевски предложен од коалицијата на ЛДП и ДОМ – Движење одлучно за промен”.
За членови на новиот состав на Советот на Општина Битола каде има 31 мандат, пријавени се 14 кандидатски листи на политички партии и листи поддржани од група избирачи.
Во Општинската изборна комисија Битола евидентирани се кандидатурите и на советничките листи предводени од Ремзи Медик поддржан група избирачи, Ристенка Алтипармаковска поддржана од група избирачи и Габриела Илиевска носител на листа поддржана од група избирачи.
Листи со кандидати за советници во Советот на Општина Битола ноќеска до полноќ доставиле и политичките партии ДУИ, Алијанса на Албанците/Алтернатива, Левица, Македонска ера трета, Демократи, Единствена Македонија, Интегра, ТМРО, ВМРО-ДПМНЕ и коалицијата, СДСМ и коалицијата и коалицијата на политичките партии ЛДП и ДОМ
