Во Чучер Сандево се гради првата детска градинка

Жителите на Општина Чучер Сандево до септември треба да ја добијат првата градинка во која се планира да бидат згрижени околу 150 дечиња.

Ова е прва градинка која се гради во оваа општина, а досега жителите беа принудени своите деца да ги носат во градинките во Чаир и Бутел.

Увид во градежните активности за изградба на градинката денеска направи лидерот на ВМРО-ДПМНЕ Никола Груевски кој е во посета на општината Чучер-Сандево.

За градинката ќе бидат инвестирани вкупно 18 милиони денари, од кои 10 милиони од буџетот на општината, а осум милиони се обезбедени преку Министерството за труд и социјална политика.

Доколку преземете содржина од оваа страница, во целост сте се согласиле со нејзините Услови за користење.