Во Германија откажани летови поради штрајк

Летовите на десетици илјади патници денеска се откажани поради штрајк на аеродромското обезбедување на осум германски аеродроми, меѓу кои и најголемиот во Франкфурт.

Штрајкот започнал на полноќ на аеродромите во Хамбург, Хановер и во Бремен.

Во Франкфурт, каде се вработени 5.000 лица како аеродромско обезбедување, штрајкот почнал во два часот по полноќ и е предвидено да трае до 20 часот. Поради тоа, само на аеродромот во Франкфурт се откажани 570 од планираните 1.200 полетувања и слетувања за денеска.

Штрајкот во различно време почнал на аеродромите во Дрезден, Минхен, Лајпциг-Хале и во Ерфурт.

Германската авиокомпанија „Луфтханса“ откажала 400 од 640 летови во Франкфурт, како и 100 од 630 полетувања и слетувања на аеродромот во Минхен.

Работодавачите штрајкот го оцениле како неоснован, бидејќи се подготвени на нови преговори за платите, кои треба да почнат следната недела во Берлин.

Доколку преземете содржина од оваа страница, во целост сте се согласиле со нејзините Услови за користење.