Во Хрватска има недостиг од игли и шприцеви за вакцинацијата против Covid-19

11

По недостигот на вакцини, на Хрватска ѝ се заканува и недостиг од шприцеви и игли, што повторно може да ја запре или забави имунизацијата против коронавирус на граѓаните.

Директорот на Хрватскиот завод за јавно здравје, Крунослав Цапак вели дека е распишан тендер за набавка, но не е потпишан, бидејќи единствената компанија што се пријавила, а е во ко-сопственост на Андрија Хебранг, „Кормедикс доо“ , не можела да ги испочитува роковите за испорака.

Доколку до 15 март не се набават повеќе од 4,4 милиони игли и околу 4,8 милиони шприцеви, и покрај добиените дози на вакцини, имунизацијата нема да биде можна.

ХЗЈЗ набави прецизни игли и шприцеви однапред за да овозможи, на пример, шест или седум дози вакцина да се извлечат од шишенце на вакцината Фајзер, додека многу други земји не го сторија тоа и може да извлечат максимум пет дози.

Цапак за загрепскиот весник Jutarnji list, сепакм тврди дека нема да има одложување на имунизацијата.

Доколку преземете содржина од оваа страница, во целост сте се согласиле со нејзините Услови за користење.