Италија во саботата регистрираше 153 починати од респираторната болест Covid-19, што е најмалкиот дневен број смртни исходи од заразата со новиот коронавирус во земјата од 9-ти март, додека бројот на новозаразените е 875 лица, или за 86 повече од ден претходно, објави на редовниот вечерен брифинг Агенцијата за цивилна заштита.
Во Италија од почетокот на ширењето на заразата од 21-ви февруари од Covid-19 починале 31.736 луѓе, со што според бројот на смртните исходи е третата земја во светот за САД и Велика Британија.
Вкупниот број на потврдените случаи на зараза изнесува 224.760 лица, а Италија според вкупниот број заразени е петтата во светот зад САД, Шпанија, Британија и Русија.
Во моментов во италијанските болници се хоспитализирани 70.187 пациенти, додека во петокот ги имаше 72.070. На одделите за интензивна нега згрижени се 775 заболени, 33 помалку од ден претходно, со што продолжува долгиот тренд на намалување на најтешко заболените.
Од вкупниот број заразени од почетокот на епидемијата, до саботата закрепнале 122.810 заболени.
Агенцијата за цивилна заштита, исто така, објави дека досега во Италија, којашто има околу 60 милионско население, на новиот коронавирус биле тестирани 1.900.000 лица.
