Во Италија повторно поголем број на починатите но најмалку на новозаразените од 13-ти март

ANSA/ANGELO CARCONI

Бројот на починатите од Covid-19 во Италија во вторникот се зголемил за 602 лица, но бројот на новозаразените е 2.972 луѓе, што е најмлку од 13-ти март.

Во понеделнијкот италијанските здравствени власти соопштија за 566 смртни случаи во последното деноноќие како последица од заразата со коронавируост, а во вторникот втор ден по рад се бележи раст на бројот на починатите.

Од друга страна, пак, во понеделникот имаше 3.153 новозаразени, додека во вторникот овој показател е помал за 181 пациент.

Вкупно од појавата на Covid-19 во февруари во Италија од оваа болест починале 21.067 лица, соопшти италијанската Агенција за цивилна заштита, што е вториот најголем број смртни исходи во светот по САД.

Бројот на службено потврдените случаи на заразата во вторникот достигна 162.488 лица, и е третата бројка зад САД и Шпанија.

Бројот на заболените кои се сместени на одделите за интензивна нега во италијанските болници паѓа 11-ти ден со ред и во вторникот ги имало 3.186, додека во понеделникот ги имаше 3.260 пациенти.

Вкупно за излекувани се сметаат 37.130 заразени, додека во понеделникот оваа бројка изнесуваше 35.435 луѓе.

Доколку преземете содржина од оваа страница, во целост сте се согласиле со нејзините Услови за користење.