Голем број аеродроми во Кина ги откажуваат летовите поради зголемениот број на заразени лица со Ковид-19, објави денеска кинескиот државен весник „Глобал тајмс“.
Во јужната кинеска метропола Гуангжу, во која има најголем број на заразени лица откажани се над 1.000 летови, а од двата аеродрома во Пекинг и се откажани повеќе од 700 летови.
И покрај кинеската политиката на нулта толеранција на коронавирусот, што негативно влијаеше врз нејзината економија, бројот на инфекции низ Кина повторно се зголемува со недели наназад.
Кинеските здравствени власти денеска соопштија дека за еден ден се регистрирани околу 8.800 заразени луѓе на национално ниво. Изминатите денови се зголемува бројот на инфицирани во поголемите градови Гуангжу, Пекинг, Шангај и Чонгкинг.
