Во црногорскиот град Котор ноќта кон неделата е убиен 69-годишниот Веселин Вукотиќ, татко на водачите на криминалниот ткн „Шкаљарски“ клан, Јован и Игор Вукотиќ.
Како што соопшти црногорската полиција, Вукотиќ бил застрелан со повеќе куршуми пред неговата куќа, од страна на засега неидентификувано лице, кое побегнало во непознат правец. Ранетиот Вукотиќ веднаш бил пренесен в болница, каде набрзо им подлегнал на повредите. Мотивите за убиството на Вукотиќ засега не се познати.
„Шкаљарскиот“, заедно со „Кавчанскиот“, се двата криминални клана од Котор, кој последниве години водат меѓусебна војна во која досега се убиени над 30 лица. Двата клана во минатото беа дел од една криминална група, но откако кон крајот на 2014 година во шпанскиот град Валенсија исчезнаа околу 300 килограми кокаин што ѝ припаѓаа на групата, таа се подели на „шкаљарци“ и „квачанци“.
