Во Македонија не може да се прогласи вонредна состојба оти нема закон за вонредна состојба

Кризна состојба на цела територија на државата, веднаш!, порача професорката  на Правниот факултет „Јусинијан Први“, Тања Каракамишева, на својот Фејсбук профил, нагласувајќи дека не може да се воведе вонредна состојба, при што го тагира претседателот Стево Пендаровски.

Каракамишева ја објаснува својата прокламација, нагласувајќи дека е доста од правен аматеризам.

„Како што НЕМА ЗАКОН ЗА ВОНРЕДНА СОСТОЈБА, таков закон никогаш не бил донесен до сега, не ни треба уште еден правен јавашлук.

Македонија има Закон за управување на кризи и терајте по него!

Со овој закон и армијата може да се ангажира и ќе има ред во управувањето со земјата.

Ако утре одлучите да прогласите вонредна состојба НЕМАТЕ ЗАКОН ЗА ВОНРЕДНА СОСТОЈБА.

Со што ќе терате, со кој закон?

Законот за управување со кризи не е за вонредна состојба.

Затоа ве молам, без експерименти, ДОСТА Е СО ПРАВЕН АМАТЕРИЗАМ!

Советници, подучете го претседателот!“, напиша Каракамишева.

 

Доколку преземете содржина од оваа страница, во целост сте се согласиле со нејзините Услови за користење.