Најмалку 70 цивили се убиени во истовремени исламистички напади врз две села во Нигер, недалеку од границата со Мали, соопштија безбедносни извори
Најмалку 49 селани се убиени и 17 ранети во селото Чомбангу, додека околу 30 селани се убиени во селото Зарумдареје, велат истите извори.
Нигер претходно беше мета на напади на исламски милитанти поврзани со Ал Каеда и „Исламска држава“, потсетува АФП.
Стотици луѓе беа убиени минатата година во нападите недалеку од западната граница со Мали и Буркина Фасо и на југоисточната граница со Нигерија.