Уапсени 11 новинари во рации во Турција

Turkish police members detain a man during a demonstration held to mark the sixth anniversary of the twin suicide attacks that killed 104 people, in Ankara on October 10, 2021. - On October 10, 2015, 104 people were killed in twin explosions in Turkey's capital Ankara, targeting activists gathering for a peace rally organised by leftist and pro-Kurdish opposition groups. (Photo by Adem ALTAN / AFP)

Турската полиција изврши рација во неколку градови и уапси 11 новинари поврзани со прокурдските медиуми поради нивните наводни врски со курдските милитанти, соопштија официјални лица.

Апсењата беа извршени неколку дена по усвојувањето на контроверзниот нов закон за медиуми, кој предвидува затворски казни за лицата кои шират „дезинформации“ за да предизвикаат „загриженост, страв и паника во јавноста“.

Прокурдската новинска агенција „Месопотамија“ објави дека нејзиниот главен уредник Дирен Јурчевер и уште осум други новинари биле одведени на сослушување. Рациите беа извршени истовремено во нивните домови во Анкара, Истанбул и уште пет други градови, пренесе АП.

Приведени се и двајца новинари од агенцијата „Жан њуз“, се наведува во извештајот.

Од полицијата потврдија дека апсењата се извршени, а на „Твитер“ се наведува дека осомничените се приведени поради информативна содржина „која ја поттикнува јавноста на омраза и непријателство“.

Полицијата во Анкара ја обвинува агенцијата „Месопотамија“ дека делува како „совет за печат“ на забранетата Курдистанска работничка партија и нивната акција ја опишува како „антитерористичка операција“.

Доколку преземете содржина од оваа страница, во целост сте се согласиле со нејзините Услови за користење.