Во Романија цела влада си даде оставка, а за Заев и Филипче кабелот е виновен

Во Романија цела влада си даде оставка, а Филипче за 14 жртви вели кабелот е виновен, се вели во партиското соопштение на опозициската ВМРО-ДПМНЕ.

-Насекаде во светот после поголема трагедија или несреќа која се случува во определен ресор, министерот, а некогаш и цела влада си дава оставка, само Филипче бега од одговорност и со Заев го обвинуваат кабелот. Многу министри низ светот и функционери кога поднесувале неотповикливи оставки можеле да најдат изговори, но сите имале морал и не го направиле тоа. Филипче ќе остане запаметен како единствен министер кој после тешка несреќа во ресорот кој го води наместо да понесе одговорност прави театар со лажна оставка, истакнуваат од опозициската партија.

Филипче треба да знае дека среќата која ја чувствува моментално заради спасената фотелја нема долго да му трае. Одговорност за трагедијата од Тетово ќе има. Колку и Заев да се труди да врши притисок врз органите на прогонот сега, веднаш по ослободувањето на системот од хибридниот режим ќе има одговорност за сите од прв до последен, вклучувајќи го и Филипче, додаваат од таму.

Доколку преземете содржина од оваа страница, во целост сте се согласиле со нејзините Услови за користење.