Американсата Агенција за храна и лекови (FDA) го одобри антивирусното апче против коронавирусната болест Covid-19 и е првата терапија одобрена за домашна употреба којашто би требало да станат важно средство во напорите за справување со омикрон варијантата на коронавирусот.
Податоците од клиничкото испитувања на лекот на американскиот фармацевтски гигант „Pfizer“ покажале 90-процентна ефикасност во спречувањата на хоспитализацијата и смртта на пациентите кај кои е висок ризикот да развиваат сериозен тек на болеста. Податоците од неодамнешните лабораториски испитувања укажуваат на тоа дека лекот дејствува и поротив новата омикрон варијанта на коронавирусот.
FDA го одобри споменатиот лек кој се зема во форма на апче за лекување на возрасните пациенти со висок ризик, за над 12-годишна возраст и тоа надвор од болнички услови.
Од „Pfizer“ велат дека се подготвени веднаш да почнат да го испорачуваат лекот во САД и ги зголмја проекциите на своето производство од 80 милиони на 120 милиони третмани во 2022 година. Договорот на американската влада за 10 милиони третмани со овој лек е утврден на 530 долари по третман.
Апчето на „Pfizer“, заедно со постариот антивирусен орален лек познат како „ритонавир“, ќе се продава во малопродажбата под името „Paxlovid“. Третманот се состои во земање две апчиња дневно, на секои 12 часа во текот на пет дена откако болеста Covid-19 ќе биде дијагностицирана и во рој од пет дана од појавата на симптомите.
„Pfizer“ планира да поднесе ново барање пред агенцијата FDA во 2022 година за да издејствува трајно одобрување. Европската агенција за лекови (ЕМА) веќе со итна постапка го одобри „Paxlovid“.
Во САД веќе е поднесено и барање за одобрување на уште еден релен лек против Covid-19, исто така во форма на апче, а го разви лаборатоијата „Merck“ кој надвор од САД е познат како MSD.
Другиот лек „Молнупиравир“ веќе доби позитивно мислење од независото тело и покрај тоа што неговата ефикасност е пониска отколку што првично се оценуваше и покрај загриженоста за дејствувањето кај бремените.
