Во Словенија, потврдени се нови 1048 инфекции со коронавирус во последните 24 часа (од 4457 тестови), што е повеќе од двојно од претходниот ден. Ова е сѐ уште неофицијална информација пренесена од словенечките медиуми утрово.
Процентот на позитивни тестови се уште е околу 24, поради што владините претставници вчера изразија релативен оптимизам дека врвот на вториот бран на епидемијата веќе поминал, и покрај сè уште загрижувачкото зголемување на хоспитализациите. Сепак, владата има спротивставени мислења за тоа дали да ги намали ограничувачките мерки или дури и да ги заостри, јавуваат словенечките медиуми.
Министерот понудил оставка доколку не се заострат мерките?
Како што соопшти синоќа комерцијалната телевизиска станица ПОП-ТВ, министерот за здравство Томаж Гантар е за заострување на мерките, вклучително и натамошно намалување на сообраќајот и работата на продавниците и услугите, а според некои медиуми тој понудил и оставка доколку не бидат заостри мерките или се случат нивни отстапки, објави Индекс.хр.
Комплетни податоци за состојбата во болниците и единиците за интензивна нега, со бројот на смртни случаи и сите други податоци, ќе ги објави владата во текот на денот.
