Во Јужна Кореја откриени 38 антитела кои го неутрализираат коронавирусот

23

Научници од Јужна Кореја изолираа 38 антитела кои можат да го неутрализираат коронавирусот, соопшти Центарот за контрола и превенција на болести при Министерството за здравство.

Позитивните својства на овие антитела можат да се користат за лекување на заразените со коронавирусот, пренесува БГНЕС.

Истражувањето е спроведено во лабораториите на Националниот институт за здравство и фармацевтската компанија Целтрион. Во текот на истражувањето на крв на пациенти со коронавирус извлечени се антитела што може да се користат за лекување на заразените, бидејќи тие се способни да го неутрализираат опасниот вирус.

„Сите примени примероци имаат силни, неутрализирачки својства на коронавирусот“, велат од Центрите за контрола и превенција на болести. Во блиска иднина ќе се спроведат серија темелни тестирања, вклучително и врз лабораториски животни, за да се потврди позитивниот ефект на откриените антитела.

Доколку преземете содржина од оваа страница, во целост сте се согласиле со нејзините Услови за користење.