Околу 220 специјалци од Албанија и седум земји од регионот се собраа во селото Бизе во Тирана за да учествуваат во вежба на специјалните сили.
За време на вежбата „Strong Balkan-23“, која првпат се одржува во Албанија, се тестираат личните и групните вештини на вооружените сили и на земја и во воздух, јави албанската новинска агенција АТА.
Во рамките на вежбата имаше и падобрански скокови, меѓу кои имаше и припадници на албанските специјалци кои скокнаа од хеликоптер од височина од 1.524 метри.
Војниците биле обучивани и за ракување со експлозив и гаѓање со снајпер од далечина од 1.000 метри.
Вежбата „Strong Balkan-23″ првпат се одржува во Албанија. Во оваа вежба учествуваат специјалци од осум балкански земји.
Оваа обука има за цел да го зголеми нивото на подготвеност, како и да има корист од тактичката, оперативната и стратешката обука, со цел учесниците да се соочат со сложените предизвици што ги претставува денешната безбедносна средина.
Доколку преземете содржина од оваа страница, во целост сте се согласиле со нејзините Услови за користење.
