Возачот на камионот во кој се најдени 39 тела се појави во суд преку видео линк

21

Возачот на камионот во кој се пронајдени 39 тела, кој е обвинет за убиство и заговор за трговија со луѓе, се појави денеска пред британскиот суд преку видео линк.

Возачот Морис Робинсон (25) пред судот во Челмсфорд преку видео линк го потврди својот идентитет и адреса.

Тој е обвинет по 39 точки за убиство, заговор за трговија со луѓе, заговор за помош за незаконска миграција и за перење пари, соопшти полицијата.

Робинсон не поднесе барање за кауција, а во притвор ќе остане до 25 ноември кога ќе продолжи постапката во централниот кривичен суд во Лондон.

Тој е уапсен веднаш откако беа откриени 39 тела во камион-ладилник во средата, неколку километри од англиското пристаниште Парфлит.

Доколку преземете содржина од оваа страница, во целост сте се согласиле со нејзините Услови за користење.