Воздухот во Тетово загаден од пожарот, учениците два дена нема да посетуваат настава

Засега нема повредени, освен неколку интервенции кај задушени луѓе поради чадот од пожарот во Тетово кој во 9 часот избувна во објектите на поранешната фабрика „Македонија табак“.

Поради пожарот, Секторот за образование на Општина Тетово одлучи сите ученици да не одат на настава овие два дена.

-Апелирам до сите граѓани да остануваат дома, да не излегуваат ако немаат никаква работа, не дека е критично, но поради загадување на воздухот да останат дома, да видиме што ќе се случи. Ние со пожарникарите сме на терен. Тие работат да го блокираат загадувањето на воздухот, да го локализираат пожарот, изјави Бесар Дурмиши од Совет на Тетово.

Побарале помош од Општина Гостивар и Град Скопје.

-Тие се дојдени и од нивна страна е побарано да дојде хеликоптер за да го запре пожарот, рече Дурмиши.

Доколку преземете содржина од оваа страница, во целост сте се согласиле со нејзините Услови за користење.