Временските непогоди ги чинеле германските осигурителни компании речиси пет милијарди евра

Поплавите, градот и други екстремни временски услови предизвикаа германските осигурителни компании да загубат вкупно 4,9 милијарди евра оваа година, што е прелиминарно за 900 милиони евра повеќе отколку во 2022 година, објави во четвртокот осигурителната асоцијација GDV.

Загубите произлегуваат од осигурената штета на станбени недвижности, имот на домаќинствата, деловни објекти и моторни возила.

Силните бури во текот на летото предизвикаа многу штети кои само во август изнесуваа 1,5 милијарди евра. Невремето беснееше и во јуни, причинувајќи штета од стотици милиони евра, се наведува во соопштението на GDV.

Најголем дел од трошоците во штотуку завршената година се штети од невреме и град, во вкупен износ од 2,7 милијарди евра.

Поплавите и другите неpoгоди направиле штета од 900 милиони евра, нешто помалку од просекот. Сепак, според GDV, осигурената штета на моторните возила изнесува 1,3 милијарди евра и е над долгорочниот просек.

Оттука, загубите главно останале на нивото на висок долгорочниот просек од 4,9 милијарди евра, рече извршниот директор на GDV, Јерг Асмусен, според соопштението за печатот.

Доколку преземете содржина од оваа страница, во целост сте се согласиле со нејзините Услови за користење.